世事無絕對 只有真情趣

2010年12月1日 星期三

突 發 詩 MOOD

 作開有條癮 , 又作左幾百幾粒字............. 


打麻雀係好講學問, 首先要去搵齊四人, 

跟住擔定四張椅凳, 麻雀檯當然要有份, 

七十二雙牌仔擺穩, 睇你地都已經手痕, 

大家都心急唔好等, 衝埋去檯前將牌混, 

衛生桌上好講牌品, 出沖或會責己呻笨, 

臝錢切忌面露笑吟, 免觸人家怒火如焚, 

唔反檯都算你好運, 再者或會激到佢暈, 

更甚可能佢將血噴, 當然希望唔會發生, 

所以各位切要記緊, 臝多幾蚊快去還神, 

輸晒清光毋用搥心, 否則將紅底穿上身, 

查實想同你做訪問, 日打夜打會否頭暈, 

唔識番去自己樓層, 唔打你係咪會手震, 

每舖你地打幾多銀, 賭本究竟係邊到搵, 

係咪你本人私己金, 抑或係來自你夫君, 

每月儲起約干分文, 放去賭桌上尋快感, 

身家財產剩番幾蚊, 睇黎你都唔會操心, 

你會否以為打得狠, 老人痴呆離你非近, 

聯誼志在埋堆成群, 有筍野時就大家分, 

有是非講時唔會吞, 說三道四得半句真, 

重要當然想搵財運, 少賭怡情大賭傷身,

  一係變富一係變貧, 知足常樂就最歡欣。






沒有留言:

張貼留言