多 料 SNAKE 羹

去開元朗，我都會幫襯消費一碗蛇羹（當我一人遊時）

咁今晚專登路經，買左外賣，

打算番去同大細孖一齊食啦 

因為食飽飯冇耐．．．。

見店員女放左包野落個外賣袋裡面，

我就問佢：「乜黎㗎？」 

佢話：「係卜卜脆黎嘅」

我想左一秒三，就問佢：「有冇綠色嗰啲呀」  

佢話有，仲即刻扐左包出黎，

放埋入袋；我話：「唔要另外嗰包喇」

喺呢個時候，聽到「不」蛇羹嗰個店員男偷笑，

仲細細聲講：

「卜卜脆．．．．．綠色嗰啲．．．．。  」

我冇話佢笑乜野呀，咁；我仲走出兩步之後走番入兩步，

問佢：「咁嗰啲綠色野叫做乜呀？」  

佢話：「係檸檬葉。」

檸檬葉檸檬葉檸檬葉，我驚我記唔住喎，

邊個可以幫我記住呢。